نرمين

صباح جديد كوب من الشاي بالحليب يسليني أثناء التجول في بحور الشبكة العنكبوتية (الإنترنت) قبل البدء في انجاز العمل، فتح البريد وقراءة آخر الأخبار من المواقع الأخبارية العربية، لنبدأ بالجزيرة ... لا جديد أخبار حرب الأمريكان على العراق كما هي لا تتغير، سيول وعواصف وأعاصير في ولايات أمريكية مختلفة ... لايهم! (داهية تاخدهم كلهم!!)، فلننتقل إلى الأخبار المحلية، بماذا نبدأ؟ بالأخبار؟ أم الأهرام؟ أم الجمهورية؟، لن أجد أي اختلاف في الموضوعات أو الأخبار!! فقط أسلوب الكتابة وتصميم الصفحات، مازال مصممي صفحات المواقع الحكومية عديمي الخبرة، إانها سيئة بشكل فج بالمقارنة بالتصميمات العالمية، لا يهم فقد يكون مصمم الصفحة هو نفس المبرمج الذي أسس الموقع، ربما اعتقد بأن معرفته ببرامج التصميم على الحاسوب تؤهله لأن يكون فناناً يجيد أسس التصميم، أو ربما آخر تم توظيفه كمصمم بالواسطه رغم أنه خريج زراعة وتعلم برامج التصميم في دورات تدريبية، مم أوهمه بأنه أصبح هكذا مثله مثل الموهوبين والدارسين للفن، ويستحق لقب مصمم مثلهم، ... أووه ... اللعنة.. لقد قابلت العديد من هؤلاء المعتوهين اللذين يعتقدون أن التمكن من الأداة هو المراد، مثلهم كمن يعتقد بأن من يمسك الفرشاة فهو فنان، فالعلم بإمكانيات الأداة ليس هو الفن، بل الفن هو ماستجبر الأداة على فعله من خلال عقل وتفكير ويد الفنان معاً.. أفف .. تباً ليس هذا موضوع القصة.
فالأتصفح موقع الأهرام، لا بأس ... فإن تصميمها يعجبني من بين الجرائد القومية (الجريدة المطبوعة وليس صفحة الموقع)، أيضاً .. لا جديد، نفس الأخبار المحلية والنظرة الطموحة إلى المستقبل، والإصلاح الإقتصادي، ورفع مستوى الدخل، وحرية المرأة وقيادات الدولة من النساء، ... مع العديد من الأخبار العالمية السابقة بوجهة نظر السياسة المصرية.!!
على يمين الصفحة بعض الروابط السريعة... من بينها رابط لصفحة الشات (المحادثة)، لم تلفت إنتباهي من قبل، لا مانع من بعض التسلية، فلأدخل وأكتفي بالمشاهدة..
الصفحة تطلب مني اسمي للدخول!! .. فليكن (AzAz) إنه يشبه حروف اسمي، فلأدخل بهذا الاسم..
تتحول الصفحة إلى صفحة الحوار، تحتوي على جزئين، جزء أيمن يحتوي على أسماء المتواجدين على الموقع، كلهم بأسماء وهمية على سمة الاسم الذي دخلت به، ويزيد عددهم عن الخمسين، وعلى الجزء الأيسر تتصاعد أسطر الكلمات بشكل جنوني من المتواجدين بالصفحة..
* * * * *
وسط هذا الكم الهائل من التفاهات فُتِحَت نافذة صغيرة تحمل اسم (annash).. غريبة لم أتوقع امكانية المحادثات الفردية؟!!
annash hi
AzAz Hi
annash ممكن نتعرف؟
AzAz ممكن. مين معايا؟
annash ناني
AzAz عزيز
annash منين؟
AzAz الهرم. وانت؟
annash عين شمس
AzAz بتدرسي؟
annash أيوه
AzAz ايه؟ وفين؟
annash 3 تجارة عين شمس. وانت؟
AzAz فنون 2000
annash بتشتغل؟
AzAz أيوه مصمم جرافيك في شركة في مدينة نصر.
annash اها
AzAz ايه
annash لا كويس
annash وانت في الشغل
AzAz ايوه بشات من اشغل
annash عرفني بنفسك
AzAz يعني ايه؟
annash كلمني عن نفسك؟
AzAz اشمعنى؟
annash يعني .. عاوزه اعرفك أكتر؟
AzAz ازاي يعني؟ اسألي وأنا أجاوبك؟
annash عندك قد ايه؟
AzAz 28
annash :) كويس
AzAz وانت؟
annash 21 .. عندك أخوات
AzAz أيوه أخين وأخت
annash انت الكبير؟
AzAz لا أنا التاني.. لي اخ أكبر مني وبعد كدا اختي وبعد كدا أخ صغير في ثانوي
annash كويس
AzAz وانت؟
annash لي اختين وأخ؟
AzAz انت الصغيرة؟
annash لا.. أخويا أصغر مني والأختين أكبر مني وهم توأم
AzAz حلو قوي
annash ليه؟
AzAz هم عندهم قد ايه؟
annash 26
AzAz حلو قوي
annash اشمعنى؟
AzAz أصلي بحب التوائم قوي؟
annash ليه؟
AzAz نفسي يكون عندي توأم
annash حاجة مش حلوة قوي
AzAz اشمعنى؟ دي بتبقى حاجة جميلة خاصة لما يكونو بنتين قمامير وحلوين
annash لا.. بيبقو على طول مع بعض وسايبني لوحدي
AzAz طب وفيها ايه؟
annash يعني .. مابيشاركونيش معاهم ولا كأني أختهم
AzAz طبيعي دا كدا كدا عشان فرق السن
annash يعني ايه؟
AzAz يعني حتى لو ماكانوش توأم كان اخطلاطكو حايكون قليل برضه عشان فرق السن حايخلي الاهتمامات مختلفة!
annash ايوه فهمت
AzAz الحمد لله
annash عزيز.. اناعاوزه اقولك حاجة
AzAz خير
annash بس مش عاوزاك تزعل مني
AzAz ايه؟ في ايه؟
annash انا مش في تجارة
AzAz امال في ايه؟
annash في تربية فنية
AzAz اللي في الزمالك؟
annash لا.. تربية نوعية؟
AzAz اللي في الدقي ولا في الدمرداش؟
annash اللي في الدمرداش جامعة عين شمس انت تعرفها؟
AzAz ايوه .. كنت باروح هناك
annash امتى؟
AzAz من حوالي 8 سنين ايام الدراسة كنت باروح اعمل ابحاث هناك
annash كويس
AzAz وانت منين بقى بجد؟
annash شبرا
AzAz طب وكان حايحصل ايه لما تقولي كدا من الأول
annash يعني ايه؟
AzAz يعني كان ايه اللي حايحصل لو كنتي عرفتيني بنفسك من الأول بانك من شبرا وانك من كلية فنية مش من تجارة؟
annash ما انا قلتلك ماتزعلش خلاص
AzAz اصل دي حاجة ماتفرقش
حاتفرق ايه شبرا عن عين شمس
حاتفرق ايه تجارة عن تربية
حاتفرق ايه ناني عن غيرها
AzAz هو انا يعني كنت حتى حاروح استناكي قدام بيتك
ولا كنت اروح استناكي قدام كليتك
دانا حتى ما اعرفش شكلك ايه؟
annash خلاص بقى ماتزعلش
AzAz مش مهم.. مش فارقة
annash معلش خلاص
انت حاتدخل هنا بكرا؟
AzAz غالبا لا
بتسألي ليه؟
annash لا :( عشان اكلمك
AzAz اصلي ماباخشش هنا
دي اول مره ادخل
دانا حتى داخل بالصدفة
annash ازاي؟
AzAz أصلي بخش الأهرام عشان أقرا الأخبار بس
annash ياعم يا مثقف
AzAz :)
annash طب ماتخش بكرا عشاني
AzAz ليه؟
annash اصل كلامك عجبني
AzAz اديني الإيميل بتاعك وانا اكلمك عليه
annash لا .. ماينفعش
AzAz ليه؟
annash اصلي باستخدمه انا واخويا
AzAz وانت ماعندكيش واحد ليه؟
انت لسه صغيره؟ :)
annash لا .. بس مابعرفش
AzAz مابتعرفيش ايه؟
annash اعمل واحد لنفسي
AzAz طب انا الإيميل بتاعي اسمه (*****) استخدميه منين ماتكوني عندك ايميل شخصي
يالا سلام.. معلش عشان ورايا شغل
annash طب استنى .. عشان انا رايحة الكلية كمان دالوقت
AzAz ايه تاني
annash حاتخش بكرا الأهرام؟
AzAz حا حاول
annash الصبح من الساعة 9 حاكون موجوده
AzAz لا صعب على 10:30
annash خلاص ماشي حاستناك
ولو ان عاندي محاضره الساعة 12
AzAz خلاص برحتك :)
annash لا لا حاكون موجوده
AzAz خلاص ماشي
حاتدخلي بنفس الاسم
annash ايوه
AzAz خلاص حاتلاقيني ان شاء الله
annash ماشي ... سلام
AzAz سلام :)